Milli Qəhrəman İsgəndər Aznaurovun anım tədbiri
Milli Qəhrəman İsgəndər Aznaurov anım tədbiri keçirildi.
Milliyətcə Axiska türklərindən olan Aznaurov İsgəndər Söhrab oğlu 16
avqust 1956-cı ildə Özbəkistan Respublikası Buxara vilayəti Qala-Asiya
kənd sovetliyinin 22 saylı sovxozunda dünyaya gəlmişdir. 1963-cü ildə
Daşkənd vilayətinin Akkurqan rayonunda yerləşən Lomonosov adına 1 saylı
orta məktəbin 1-ci sinfinə getmiş və 1973-cü ildə həmin məktəbin 10-cu
sinfini bitirmişdir.
1975-1977-ci illərdə Ukraynanın Çerkassk şəhərində
xidmət etmişdir. O, nümunəvi hərbi xidmətə görə dəfələrlə komandanlığın
təşəkkürlərinə və Fəxri fərmana layiq görülmüşdür. 1978-ci ildə Daşkənd
Kənd Təsərrüfatının Mexanikləşdirilməsi və İrriqasiya Mühəndisləri
İnstitutuna daxil olmuşdur. 1983-cü ildə ali təhsili başa vurub
təyinatla Daşkənd vilayətinin Akkurqan rayonu Qalyakudur savxozuna
göndərilmişdir. 1989-cü ildə Özbəkistanın Fərqanə vadisindəki qanlı
olaylardan sonra İsgəndər də yüzminlərlə axiskalı kimi oranı tərk etməyə
məcbur olmuş və 1990-cı ildə ailəsi ilə birlikdə Azərbaycana ana vətən
deyib gəlmişdi. Keçmiş SSRİ-nin milli etnik azlıqlara qarşı yeritdiyi
amansız siyasətin nəticəsi olaraq taleyinə ikinci dəfə sürgünlük həyatı
qismət olmuş İsgəndər və onun ailəsi Şəmkirin Kür qəsəbəsində
məskunlaşmışdılar. Əhaliyə qaynayıb-qarışmış, sanki bu yerlərin əzəli
sakini olmuşdurlar. Ahiska türklərinin əksəriyyəti əkinçiliklə məşğul
olurdu. İsgəndər isə Şəmkir rayonunda cihazqayırma zavodunda çalışır.
Bundan əlavə fotoqraf işləyirdi. Çox gözəl əl qabiliyyəti vardı.
Mehribanlığı, xoş xasiyyəti onu tezliklə hamıya sevindirmişdi.
İsgəndərgilin
Azərbaycana gəlişi Ermənistanın Azərbaycana qarşı işğalçılıq
siyasətinin yeni mərhələyə qədəm qoyduğu vaxta təsadüf etmişdi. Bu
vaxtlar Gədəbəyin 28 kəndini əhatə edən Şınıx bölgəsində də döyüşlər
şiddətlənmişdi. Hərbi xidmətdə olarkən topçuluğun sirlərinə yiyələnən
İsgəndər 1992-ci ilin mart ayında Milli Orduya könüllü olaraq getmişdir.
Onu Gədəbəy rayonunun Şınıx kəndində "N" saylı hərbi hissənin
artilleriya üzrə komandir müavini təyin edirlər. Tezliklə topçuluq
məharəti, döyüş zamanı təşkilatçılıq bacarığı ilə İsgəndər hər kəsin
sevimlisinə çevrildi. Tez bir zaman ərzində igidliyi ilə, şucaəti ilə
tanındı.
18 aprel 1993-cü ildə Aznaurov İsgəndər döyüşdə qəhrəmancasına həlak oldu. Evli idi. Üç qızı yadigar qalıb.
Azərbaycan
Respublikasının Prezidentinin 15 yanvar 1995-ci il tarixli 262 saylı
fərmanı ilə Azərbaycan Respublikasının suverenliyinin və ərazi bütovlüyünün qorunmasında, Vətənimizin torpaqlarının erməni
işğalçılarından müdafiə edilməsində gedən döyüşlərdə qəhrəmanlıqla
vuruşaraq göstərdiyi şəxsi igidlik və şücaətə, öz müqəddəs əsgəri və
xidməti borclarını şərəflə yerinə yetirilməsində misilsiz xidmətinə görə
baş leytenant Aznaurov İsgəndər Söhrab oğluna ölümündən sonra
"Azərbaycan Milli Qəhramanı" adı verilib. "Qızıl ulduz" medalı ilə
təltif olunub.
Şəmkir rayonunun Kür qəsəbəsindəki 1 saylı orta məktəb
İsgəndər Aznaurovun adını daşıyır. Məktəbin qarşısında onun büstü
ucaldılıb. 2 saylı orta məktəbdə isə onun adına "Xatirə muzeyi"
yaradılıb. Burada qəhrəmanın həyatını, keçdiyi döyüş yolunu əks etdirən
fotostendlər qurulub, şəxsi əşyaları toplanıb. Şəmkir rayonunda
Ceyrançöldə salınmış qəsəbəyə "İsgəndər" adı verilib. Gədəbəydə "N"
saylı hərbi hissənin önündə isə büsdü ucaldılıb, Şınıx kəndinin Mormor
yüksəkliyində "İsgəndər qalası" və ön cəbhədə salınmış "İsgəndər postu"
hələ də düşmən üçün bir səddir. İsgəndərin istifadə etdiyi KS19 topu isə
hələ də nümunə olaraq saxlanılır.
ALLAH RƏHMƏT ELƏSİN !
©
NNA-TV
|
| Категория: AHISKA HABER | Добавил: alim (19/Апр/2012)
|
| Просмотров: 1247
| Рейтинг: 5.0/6 |
Добавлять комментарии могут только зарегистрированные пользователи.
[
Регистрация |
Вход ]
